کراچی میں مردم شماری اور گرین لائن بسیں چلانے کے بارے میں اسد عمر کا اہم اعلان

Mashkoor Hussnain
2 Min Read

کراچی میں پاکستان تحریک انصاف (پی ٹی آئی) کے ورکرز کنونشن سے خطاب کرتے ہوئے وفاقی وزیر اسد عمر نے اعلان کیا کہ وزیراعظم عمران خان دو ہفتوں میں شہر کے لیے گرین لائن بس ریپڈ ٹرانسپورٹ سسٹم کا افتتاح کریں گے اور یہ 25 دسمبر سے کمرشل آپریشن شروع کر دے گا۔

https://twitter.com/thenewz_line/status/1465275669693276172

نئی مردم شماری اور گرین لائن کراچی کے لیے دو اہم ترین مسائل ہیں۔ سیاسی جماعتوں کا دعویٰ ہے کہ 2017 میں ہونے والی پچھلی مردم شماری میں کراچی کی آبادی کم ہونے کے بعد قومی وسائل میں اس کا حصہ کم ہوا۔

عمر نے کہا کہ پی ٹی آئی اور اس کے اتحادیوں نے پاکستان پیپلز پارٹی کی مخالفت کے باوجود مردم شماری کے بل کو پارلیمنٹ کے ذریعے آگے بڑھایا۔ انھوں نے اعلان کیا کی اگلی مردم شماری دسمبر تک مکمل کرلی جائی گی اور یہ نئی مردم شماری مکمل شفافیت کے ساتھ ہو گی۔

وفاقی وزیر نے اعلان کیا کہ ان کی جماعت پیپلز پارٹی کی جانب سے سندھ اسمبلی میں پیش کیے گئے نئے سندھ لوکل گورنمنٹ بل کے خلاف مہم شروع کرے گی۔

مقامی حکومت کا مجوزہ قانون میئرز کو مزید اختیارات دیتا ہے اور ڈسٹرکٹ میونسپل کارپوریشنز سے بدل دیتا ہے۔ لیکن اس کے ساتھ ساتھ یہ کچھ محکموں کو صوبائی حکومت کو منتقل کرتا ہے۔

اسد عمر نے کہا کہ نیا قانون میئر کے اختیارات کو کم کر دے گا۔ انہوں نے کہا کہ ٹرانسپورٹ، پانی اور سڑکیں میئر کے ماتحت ہونی چاہئیں۔

ورکرز کنونشن کراچی وسطی ضلعی قیادت نے پی ٹی آئی کی جانب سے بلایا۔

تقریب سے سندھ اسمبلی میں اپوزیشن لیڈر حلیم عادل شیخ اور دیگر رہنماؤں نے بھی خطاب کیا۔

اس سے پہلے دن میں، عمر نے کراچی گرین لائن کے بارے میں ٹویٹ کیا کہ یہ منصوبہ اگلے دس دنوں میں ٹریل بیسز پر کام کرے گا اور وزیر اعظم کے افتتاح کے بعد 25 دسمبر سے کمرشل آپریشن شروع کر دے گا۔

Share This Article
Leave a comment

Leave a Reply

Your email address will not be published. Required fields are marked *