107
سری لنکا کی کرکٹ ٹیم اس بار ٹی ٹونتی ورلڈ کپ جیتنے کی پوری کوشش میں مصروف ہے اسی لیے اس نے پاکستانی ٹیم کے سابق کپتان اور سوئنک کے سلطان کہلانے والے وسیم اکرم سے درخواست کی ہے کہ ان کے کھلاڑیون کو وقت دیں -سری لنکن کرکٹرز جون میں امریکا اور ویسٹ انڈیز میں ہونے والے ٹی ٹوئنٹی ورلڈ کپ سے قبل پاکستان کرکٹ ٹیم کے سابق کپتان اور سوئنگ کے سلطان وسیم اکرم سے رہنمائی لیں گے۔وسیم اکرم 2 روزہ ٹریننگ پروگرام کیلئے سری لنکا پہنچ گئے ہیں ، ٹریننگ پروگرام کے دوران سابق پاکستانی کپتان 5 سیشینز منعقد کریں گے۔سری لنکن کرکٹ بورڈ کے مطابق وسیم اکرم ٹی ٹوئنٹی ورلڈ کپ کی تیاری میں مصروف پلیئرز سے بھی ملیں گے۔سری لنکا کرکٹ بورڈ کا کہنا ہے کہ وسیم اکرم سری لنکا پیس اکیڈمی، ہائی پرفارمنس سینٹر اور کلب کوچز کو بھی رہنمائی دیں گے۔
