وزیراعظم محمد شہبازشریف نے کہا ہے کہ بلوچستان میں امن و امان کی مجموعی صورتحال تسلی بخش ہے۔
یہ بات انہوں نے بلوچستان میں امن و امان کی صورتحال کے حوالے سے اعلیٰ سطحی جائزہ اجلاس کی صدارت کرتے ہوئے کہی۔
اجلاس میں صوبے میں امن و امان کی صورتحال پر بریفنگ دی گئی۔
اجلاس کے شرکاء سے خطاب کرتے ہوئے وزیراعظم نے مزید کہا کہ وفاقی حکومت بلوچستان میں امن و استحکام کو یقینی بنانے کے لیے صوبائی حکومت کی ہر ممکن مدد کرے گی۔
اجلاس میں وزیر اعلیٰ بلوچستان میر عبدالقدوس بزنجو، محمد اختر مینگل، وفاقی وزراء احسن اقبال، مولانا عبدالواسع اور اعلیٰ افسران نے شرکت کی۔