ڈاکٹر انوش مسعود چوہدری کو مستنصر فیروز کی جگہ لاہور آپریشنز پولیس کا سربراہ مقرر کیا گیا ہے، جنہیں مزید حکم کے لیے سینٹرل پولیس آفس رپورٹ کرنے کی ہدایت کی گئی ہے۔
ڈاکٹر انوش ایس ایس پی آپریشنز لاہور تعینات ہونے والی پہلی خاتون پولیس افسر ہیں۔ اسسٹنٹ سپرنٹنڈنٹ (اے ایس پی) کے طور پر خدمات انجام دینے کے علاوہ وہ لاہور میں کنٹونمنٹ اور ماڈل ٹاؤن پولیس ڈویژنز میں بطور ایس پی خدمات انجام دے چکی ہیں۔
جمعہ کو جاری ہونے والے نوٹیفکیشن کے مطابق پوسٹنگ کے منتظر ایس پی اعجاز احمد کو سی پی او میں اے آئی جی شکایات تعینات کر دیا گیا ہے جبکہ پوسٹنگ کے منتظر ایس پی محمد عمر فاروق کا تبادلہ کر کے سپیشل پروٹیکشن یونٹ میں ایڈیشنل ڈائریکٹر تعینات کر دیا گیا ہے۔