شادی کا فیصلہ کسی انسان کے ہاتھ میں نہیں ہوتا ، میری قسمت میں کوئی لکھا ہوگا توضرور مل جائیگا : اداکارہ ما ر یہ واسطی

معروف پاکستانی اداکارہ 14 اگست 1965 کو تنزانیہ میں پیدا ہوئیں -58 سالہ اداکارہ نے اب تک شادی نہیں کی -یہی وجہ ہے کہ ان کی شادی کے بارے میں اکثر سوال کیا جاتا ہے -ان ایک مرتبہ پھر جب ان سے شادی کے بارے میں پوچھا گیا تو ماریہ واسطی نے کہا ہے کہ” شادی کا فیصلہ کسی انسان کے ہاتھ میں نہیں ہوتا ، میری قسمت میں کوئی لکھا ہوگا توضرور مل جائیگا۔”

ماریہ واسطی نے شادی نہ کرنے کی وجہ بتا دی۔https://t.co/pIuykZrIoZ

— HamaraPakistan.PK (@HamaraPak123) May 24, 2023

تفصیلات کے مطابق ایک انٹرویو میں ماریہ واسطی نے کہا کہ” میں نے شادی کا فیصلہ قسمت پر چھوڑ رکھا ہے اور میں سمجھتی ہوں اس میں تقدیر کا سب سے بڑا عمل دخل ہے۔” انہوں نے کہا کہ” ہمیشہ سے یہ سنتے آئے ہیں کہ جوڑے آسمانوں پر بنتے ہیں، میری قسمت میں کوئی لکھا ہوگا تو ضرور میرا جیون ساتھی بنے گا۔ میں اس حوالے سے قطعی سوچتی ہوں نہ پریشان ہوتی ہوں، میں حقیقت پسندانہ زندگی گزار رہی ہوں۔” انہوں نے کہا کہ “میں مخلص لوگوں کی بہت قدر کرتی ہوں کیونکہ آج کے دور میں یہ لوگ بڑے نایاب ہیں۔” ایک سوال کے جواب میں انہوں نے کہاکہ ” اگر تما م لوگوں کی ان کی پسند کی مطابق شادیاں ہوتیں تو آج محبت کی قدر ختم ہوچکی ہوتی ۔گندمی رنگت اور دلکش نقوش کے باعث اپنی شناخت بنانے والی ماریہ واسطی کا شمار پاکستان ڈرامہ انڈسٹری کی ان اداکاراؤں میں ہوتا ہے جن کے بغیر اوائل دور کا کوئی بھی ڈرامہ ادھورا سمجھا جاتا تھا۔ماریہ واسطی کو انڈسٹری سے جڑے 20سال سے زائد عرصہ گزرگیا ہے لیکن آج بھی ان کی شہرت بطور ہیروئن یا مرکزی کردار کے لیے کم نہیں ہوپائی