نون لیگ کے سابق رہنماؤ ں نے اگلے ماہ سے اپنی جماعت لانچ کرنے کا باقاعدہ اعلان کردیا جس کے بعد قوی امکان ہے کہ اس مین نون لیگ کے مایوس اور ناراض ارکان تیزی سے شمولیت کریں گے – سابق وزیر خزانہ مفتاح اسماعیل کا کہنا ہے کہ آئندہ ماہ نئی سیاسی جماعت کا اعلان کیا جائے گا، ’عوام پاکستان‘ کے نام سے بننے والی جماعت کے کنوینر شاہد خاقان عباسی ہوں گے۔
جیو نیوز کے مطابق مفتاح اسماعیل نے کہا کہ عوام پاکستان کا باقاعدہ اعلان 6 جولائی کو اسلام آباد میں کیا جائے گا، چاہتے ہیں عوام اپنے فیصلے خود کریں انہیں کام کرنے کی آزادی ہو، اپنا پیغام لے کر عوام میں جائیں گے، ملک بھر میں سیاسی لوگوں سے رابطہ ہے، نئی جماعت میں سردار مہتاب عباسی، جاوید عباسی ساتھ ہوں گے۔
انہوں نے کہا کہ نئی جماعت کے قیام کا مقصد نظام کو بدلنا ہے، ضعیم قادری اور ڈاکٹر ظفر مرزا ساتھ ہوں گے، شیخ صلاح الدین، رانا زاہد توفیق، زاہد بنوری اور انور سومرو بھی ساتھ ہوں گے۔