قومی اسمبلی میں بجٹ پیش ہوجانے کے بعد اس پر تبصروں کا سلسلہ جاری ہے حکومت اس کو عوام دوست جبکہ اپوزیشن اسے عوام دشمن بجٹ قرار دے رہی ہے اب اس پر وزیراعظم شہباز شریف نے بھی قوم کو اعتماد میں لینے کا فیصلہ کیا ہے اسی لیے میڈیا کی خبروں کے مطابق وزیر اعظم شہباز شریف کے آج قوم سے خطاب کا امکان ہے۔
وزیراعظم شہباز شریف اپنے خطاب میں دورہ چین سے متعلق بھی بات کریں گے۔گزشتہ روز ٹیکس اصلاحات اور معیشت کی ڈیجیٹلائزیشن پر اجلاس سے خطاب کرتے ہوئے وزیر اعظم نے کہا کہ ٹیکس چوروں، نادہندگان اور ان کی معاونت کرنے والوں کا سدِباب کر کے چھوڑیں گے۔انہوں نے کہا کہ بجٹ تیاری کے دوران واضح ہدایات دی تھیں کہ اشرافیہ کو ٹیکس دینا ہی ہوگا۔شہباز شریف نے کہا کہ اولین ترجیح ٹیکس کی شرح کم کرنا اور ٹیکس دینے والوں کی تعداد بڑھانا ہے۔
وزیر اعظم شہباز شریف کے آج قوم سے خطاب کا امکان
Leave a comment
Leave a comment