کراچی میں گاڑی روکنے پر بااثر خاتون کا ڈی ایس پی پر تشدد : ویڈیو وائرل

سوشل میڈیا پر شہر قائد سے ایک ویڈیو تیزی سے وائرل ہو رہی ہے جس میں ایک خاتون کو پولیس کے باریش ڈی ایس پی سے جھگڑتے دیکھا جاسکتا ہے۔‌خاتون نے نہ صرف ڈی ایس پی کو تھپر مارا ،دھکے دئے بلکہ اس کی ویڈیو بھی بنا کر دھمکاتی رہی -مگر پولیس افسر نے اس خاتون کے ساتھ بہترین برتاؤ کیا -شائید اس کی وجہ اس خاتون کا ریفرنس تھا جس سے ڈر کر اس پولیس افسر کی اس خاتون کو کچھ کہنے کی ہمت نہ ہوئی –

 

ویڈیو میں دیکھا جاسکتا ہے کہ ایک باریش ڈی ایس پی کار کو روکنے کی کوشش کر رہا ہے اور خاتون اس کار کیلئے راستہ بنانے کیلئے جھگڑا کر رہی ہے۔ اس دوران خاتون نے باریش ڈی ایس پی کو تھپڑ مارا اور اس کا گریبان پکڑا کر اسے گھسیٹا ، اس دوران ایک اور ٹریفک اہلکار آیا تو خاتون نے اسے بھی دھکا دے کر گاڑی کے آگے سے ہٹادیا۔ جھگڑے کے دوران ڈرائیور نے ڈی ایس پی کو گاڑی سے ٹکر مارنے کی بھی کوشش کی۔تاہم ابھی تک یہ معلوم نہیں ہوسکا کہ یہ واقعہ آج ہی پیش آیا یا یہ کافی عرصہ پہلے کی ویڈیو ہے جو آج وائرل ہوئی