پنجاب میں آج درجہ حرارت میں اچانک اضافہ ہوگیا جس سے گرمی کی شدت میں اضافہ ہوگیا ،ہفتے کے روز یکم جون سے موسم گرما کی چھٹیوں کا اعلان کیا تھا مگر اب اس میں تبدیلی کی گئی ہے – ہیٹ ویو کے باعث سکولوں میں 7دن کی چھٹی کا اعلان کردیا گیا، جس کا نوٹیفکیشن جاری کردیا گیا۔
نوٹیفکیشن کے مطابق تمام سرکاری و پرائیویٹ سکول 25سے 31مئی تک بند رہیں گے،تاہم جن سکولوں میں امتحانات ہو رہے ہیں وہ ضروری حفاظتی اقدامات کے ساتھ امتحانات لے سکیں گے،نوٹیفکیشن میں کہا گیا ہے کہ جن سکولوں میں روٹین کی کلاسیں ہو رہی ہیں وہ فوری طور پر سکول بند کردیں۔
محکمہ موسمیات کے مطابق پنجاب میں ہیٹ ویو کی لہر جاری ہے،آئندہ دس روز تک ہیٹ ویو کا یہ سلسلہ جاری رہے گا اور درجہ حرارت 46یا 47تک جانے کا امکان ہے۔حکومت کو چاہیے تھا کہ کل سے ہی چحٹیون کا اعلان کردیتی کیونکہ اب دنیا کے بدلتے موسم کے سبب اپریل سے ہی گرمی پڑنا شروع ہوجاتی ہے اور پہلے 15 جولائی سے ساون شروع ہوتا تھا اب جولائی کے پہلے ہفتے سے ہی موسم بدل جاتا ہے اس لیے زیادہ بہتر تو یہ ہوتا کہ 15 مئی سے یکم اگست تک موسم گرما کی تعطیلات کردی جاتیں اور بچوں کو اس اذیت اور کرب سے گزر کر کلاسز میں نہ بیٹھنا پڑتا ؛ہمیں امید ہے کہ حکومت اس فیصلے پر نظر ثانی کرے گی اور موسم گرما کی تعطیلات کا شیڈول تبدیل کردے گی –
