لاہور میں وزیر اعظم شہباز شریف نے آج ایک پریس کانفرنس کی جس میں میاں شہباز شریف کا کہنا تھا کہ عمران نیازی بات جمہوریت کی کرتےاورسوچ ڈکٹیٹرکی رکھتے ہیں، پاکستان فنانشل ایکشن ٹاسک فورس کی گرے لسٹ سے نکلا ہے جس پر پوری قوم کو مبارک باد دیتا ہوں،گرے لسٹ سے نکلنے پر وزیر اعظم نے کہا کہ یہ میری کامیابی نہیں قوم کی اجتماعی کامیابی ہے، ان کا کہنا تھا کہ اس میں پاکستان پیپلز پارٹی کے وزیر خارجہ بلاول بھٹو اور حنا ربانی کھر نے پاکستان کو فیٹف کی گرے لسٹ سے نکالنے میں بڑا اہم کردار ادا کیا ہے، انھوں نے سپہ سالار قمر
جاوید باجوہ کی بھی تعریف کی جنھوں نے خاموشی مگر سمجھداری کے ساتھ کردار ادا کیا اور ان کےحالیہ دورہ امریکہ نے بھی اس میں اہم کردار ادا کیا
وزیر اعظم نے کہا کہ عمران خان کے خلاف بدعنوانی کےکیس میں الیکشن کمیشن کا فیصلہ آیا ، عمران نیازی نے تحفے نکال کر ان کو دبئی میں بیچ ڈالا، انھوں نے الزام لگایا کہ آپ نے بھینسیں بیچ کر 23 لاکھ روپے قومی خزانے میں ڈالے مگر دوسری جانب کروڑوں کے تحائف بیچ کر
پیسے اپنی جیب میں ڈال لیے، اگر آپ یہ پیسہ قومی خزانے میں جمع کراتے تو قوم اور میں آپ کو سیلوٹ کرتے ۔وزیر اعظم شہباز شریف کا کہنا ہےکہ عمران خان نے بیرون ملک سے ملنے والے تحفےبیچ کر پیسے اپنی جیب میں ڈالے لیے، ایک تحفہ دبئی میں بیچا گھڑی کی قیمت 14 سے 15 کروڑ روپے کی تھی ۔