فواد چوہدری کے خلاف ایک شخص نے درخواست عدالت میں دی کہ جب فواد چوہدری منسٹر تھے تو میں نے انہیں ملازمت کے لیے 50 لاکھ روپے دیے تھے مگر نہ مجھے ملازمت دی گئی نہ ہی میرے پیسے واپس ہوئے جس پر عدالت نے آج اس درخواست گزار کی اپیل منظور کرکے فواد چوہدری کو جیل بھیج دیا –
دھوکا دہی کیس میں فوادچودھری جیل پہنچ گئے،جوڈیشل مجسٹریٹ یاسر محمود نے فیصلہ سنا یا۔وفاقی پولیس نے دھوکا دہی کیس جوڈیشل ریمانڈ ختم ہونے پر فوادچودھری کو جوڈیشل مجسٹریٹ کی عدالت میں پیش کیا،فواد چودھری نے روسٹرم پر آ کر کہا کہ مجھے کچھ وقت دیا جائے،جس پر عدالت نے کچھ دیر کیلئے وقفہ کردیا۔
وقفے کے بعد دوبارہ سماعت پر فوادچودھری نے کہاکہ میرے مقدمے میں کوئی گواہ نہیں ہے، تیسری پیشی پر بھی مدعی مقدمہ پیش نہیں ہوا،ہراساں کرنے سے متعلق میرے علم میں نہیں ہے،پھر گرفتار کرنا ہے تو کرلیں،عدالت ریکارڈدیکھ چکی ہے کہ مقدمہ کس طرح بنایا گیا ہے،عدالت جو حکم صادر کرے گی وہ قابل قبول ہوگا ، تاہم عدالت نے فواد چوہدری کی گزارش کو نظر انداز کرتے ہوئے اڈیالہ جیل بھیجنے کا حکم دیدیا۔
