پاکستان کرکٹ ٹیم کی ورلڈ کپ میں پرفارمنس نے سب پاکستانیوں کو دلبرداشتہ کردیا ہے اس کی بڑی وجہ بابر اعظم کا اپنی مرضی چلانا ہے وہ سینئر کھلاڑیوں کی بات سسنے کو اپنی توہین سمجھتے ہیں -یہی وجہ ہے کہ وہ سینئر کھلاڑی بھی ابھی ٹیوی چینلز پر بیٹھ کر بابر کی کپتانی کی صلاحیت اور اپروچ پر نہ صرف بات کررہے ہیں بلکہ انہیں ناکام کپتان بھی برملا قرار دے رہے ہیں -ان میں وسیم اکرم اور رزاق جیسے لیجنڈ اور بابر کے ساتھ کھیلنے والے کامران اکمل اور شعیب ملک شامل ہیں
پاکستانی ٹیم کے سابق کپتان شعیب ملک نے ورلڈ کپ 2023 میں افغانستان کے خلاف شکست کا ذمہ دار بابر اعظم کو ٹھہرادیا۔ ایک نجی ٹی وی شو میں ورلڈ کپ میں بابر کی کپتانی پر گفتگو کرتے ہوئے سابق کپتان وسیم اکرم، شعیب ملک اور مصباح الحق نے افغانستان سے پاکستان کی شکست پر برہمی کا اظہار کیا۔
شعیب ملک نے کہا کہ بابر اچھے بلے باز ہیں لیکن اچھے کپتان نہیں۔ سابق کرکٹر معین خان نے بھی شعیب ملک کے بیان کی حمایت کرتے ہوئے کہا کہ بابر نے چار سال تک بڑے ایونٹس میں پاکستانی ٹیم کی قیادت کی لیکن ان کی کپتانی میں کوئی بہتری نہیں آئی۔انہوں نے کہا کہ کپتان کو وقت کے ساتھ چیزیں سیکھنے کی ضرورت ہوتی ہے۔
وسیم اکرم نے کہا کہ شکست کا ذمہ دار کوئی فرد نہیں بلکہ چیئرمین کرکٹ بورڈ، کوچز، چیف سلیکٹرز، ڈائریکٹرز اور کپتان سمیت ہر کوئی ہے۔گزشتہ دو سال سے فٹنس ٹیسٹ نہیں ہوا، وسیم اکرم کھلاڑیوں کی فٹنس پر ناراض ہیں۔ پاکستانی فاسٹ باؤلر ہر ٹورنامنٹ کے درمیان انجری کا شکار ہوکر باہر بیٹھ جاتے ہیں -اور پاکستان وہ ٹورنامنٹ بری طرح ہار جاتا ہے –
