گزشتہ میچ میں اپنے پہلے ہی اوور کی تیسری گیند پر ہاردیک پانڈیا زخمی ہوکر گراؤنڈ سے باہر چلے گئے -جس کے بعد انہیں ہسپتال لے جایا گیا جہاں ان کے ایکسرے لیے گئے اور دیگر ٹیسٹ بھی ہوئے -جس کے بعد ان کو آرام کرنے کا مشورہ دیا گیا -ڈاکٹروں نے ان کو کم از کم 7 دن میچز نہ کھیلنےکا مشورہ دیا -بھارتی کرکٹ ٹیم کے آل راؤنڈر ہاردیک پانڈیا انجری کے باعث ورلڈ کپ میں نیوزی لینڈ کے خلاف میچ سے باہر ہو گئے۔بھارتی میڈیا کے مطابق ٹخنے کی تکلیف سے چھٹکارا پانے کے لیے ہاردیک پانڈیا کو ایک ہفتہ درکار ہے۔بھارتی کرکٹ بورڈ کا کہنا ہے کہ ہاردیک پانڈیا کو بائیں ٹخنے کی انجری کا سامنا ہے، ان کے اسکینز ہوچکے ہیں اور انہیں آرام کا مشورہ دیا گیا ہے۔

 

 

ہارڈیک پانڈیا کم از کم ایک میچ نہیں کھیل پائیں گے -بی سی سی آئی کا کہنا ہے کہ ہاردیک پانڈیا 20 اکتوبر کو بھارتی ٹیم کے ساتھ دھرم شالانہیں جائیں گے، وہ ٹیم کو انگلینڈ کے میچ کے لیے جوائن کریں گے۔بھارتی میڈیا کے مطابق پلیئنگ الیون میں سوریا کمار یادیو یا ایشان کشن کو شامل کیا جائے گا جبکہ اس میچ میں شردل ٹھاکر کی جگہ محمد شامی کو کھلایا جا سکتا ہے۔تاہم اب وہ ورلڈ کپ میں باقی میچز کھیل پائیں گے یا نہیں اس کا فیصلہ 7 روز کے بعد ڈاکٹرز ہی بتائیں گے –