سری لنکا کے خلاف تاریخی کامیابی کے بعد پاکستانی ٹیم کا مورال آسمان چھو رہا ہے اس کی جھلک کیپٹن کی گفتگو میں بھی دکھائی دی جب ان سے سخت سوالات کیے گئے -بابر اعظم کا کہنا تھا کہ ٹی ٹوئنٹی میں ہم بھارت کو ہراچکے ہیں ، کل کے میچ میں اچھی پرفارمنس دیں گے۔ گفتگو کے دوران انہوں نے ورلڈ کپ میں اپنی بیٹنگ سے متعلق بڑا اعتراف کیا۔ بابراعظم کا کہنا تھا کہ ورلڈکپ میں اب تک اس طرح بیٹنگ نہیں کی جیسےکرنی چاہیے۔ ماضی میں جو ہو گیا اس پر توجہ نہیں ہوتی، جو حال میں ہو اس پر توجہ ہے،کوشش ہو گی کہ کل کے میچ میں اچھی پرفارمنس دیں۔ ٹی ٹوئنٹی میں ہم نے بھارت کو ہرایاہے ایسا نہیں کہ یہاں ہم نہیں ہراسکتے۔
پاکستان کی بولنگ لائن پر بات کرتے ہوئے بابراعظم نے کہا کہ نسیم شاہ نے ایشیاءکپ میں متاثرکن بولنگ کی ورلڈکپ میں ان کی کمی محسوس کریں گے، شاہین آفریدی پر یقین ہے وہ بڑے میچ کا بولر ہے، ایک دو میچز میں اوپر نیچے پرفارمنس ہوگئی اس کا مطلب یہ نہیں کہ سوالیہ نشان آگیا، پاکستان کو اگر ورلڈ کپ جیتنا ہے تو فیلڈنگ بہتر ہونی چاہیے۔ببر کو یقین ہے کہ شاہین کل کے میچ میں پاکستان کے لیے ٹرمپ کارڈ ثابت ہوگا –
بابراعظم کا کہنا تھا کہ بیٹرکی حیثیت سے بھارت کے بولرز کو اچھا کھیلنےکی کوشش کرتے ہیں،کل میچ کا رزلٹ کیا ہوتا ہےاس کا نہیں معلوم، ہم پر اعتماد ہیں لیکن کبھی نہیں سوچا کہ بھارت کے خلاف میچ کی وجہ سےکپتانی چلےگی، مجھے ایک میچ کے لیےکپتانی نہیں ملی، قسمت میں ہوگا تو میں کپتانی کرتا رہوں گا۔
انہوں نے مزید کہا کہ کھلاڑیوں پربڑےاسٹیڈیم کا دباؤ نہیں، مجھے امید ہے حیدرآباد کی طرح یہاں بھی فینزکی سپورٹ ملےگی، بولرز کے پاس مارجن کم ہے، بولرزکو کہا ہے لینتھ پرقابو رکھیں، بھارت کے ٹاپ آرڈر کو کیسے آؤٹ کرنا ہے اس کےلیے پلان بنالیا ہے -اب قسمت کل کا ساتھ دے گی یہ تو میچ کے بعد ہی جان پائیں گے لیکن اگر پاکستان بھارت کو ہرا دیتا ہے تو سری لنکا کے خلاف پاکستان کے لیے سب سے بڑا ہدف 345 رنز چیز کرنے سے بھی زیادہ خوشی قوم کو ملے گی –
