ساؤتھ آسٹریلیا کے جیک فریزر میکگورک نے تیز ترین ون ڈے سنچری بناکر اے بی ڈی ویلیئرز کا ورلڈ ریکارڈ توڑدیا۔آسٹریلیا کے لسٹ اے ٹورنامنٹ مارش کپ کے دوران ساؤتھ آسٹریلیا کے جیک فریزر میکگورک نے 29 گیندوں پر ون ڈے سنچری بناکر ساؤتھ افریقہ کے عظیم ال راؤنڈر اے بی ویلیئرز کا ورلڈ ریکارڈ توڑدیا، یہ اے لسٹ میچز میں تیزترین سنچری شمار ہوئی۔

 

 

اے بی ڈی ویلیئرز نے 2015 میں 31 بالز پر ون ڈے سنچری مکمل کرکے ریکارڈ قائم کیا تھا۔ مارش ون ڈے کپ کے اس مقابلے میں تسمانیہ نے پہلے بیٹنگ کرتے ہوئے 435 رنز بنائے جواب میں آسٹریلیا نے بھی زبردست مقابلہ کیا اور 398 رنز تک پہچ گئے – مگر ٹارگٹ تک نہ پہنچ سکے اس طرح تسمانیہ جیسی گمنام ٹیم نے ساؤتھ آسٹریلیا کیخلاف 37 رنز سے کامیابی سمیٹ لی –

کپتان جورڈن سلک 116، سلیب جیول 90، میکلیسٹر رائٹ 51 اور بیوویبسٹر 42 رنز بنانے میں کامیاب رہے، برینڈن ڈوگیٹ اور ویس ایگر نے3،3 وکٹیں لیں ، جیک فریزر میکگورک نے 38 گیندوں پر 125 رنز اسکورکیے، فریزرکی اننگز میں 13 چھکے اور 10 چوکے شامل رہے۔ جیک فریزر کی ریکارڈ سنچری کے باوجود تسمانیہ مقابلہ جیت گیا