آئی سی سی نے نئی ون ڈے ریکنگ جاری کر دی ہے جس میں پہلی پوزیشن بابراعظم برقرار رکھے ہوئے ہیں۔البتہ امام الحق اور فخر زمان ٹاپ ٹین میں تو شامل ہیں مگر ان کی پوزیشن میں تنزلی ہوئی ہے – آئی سی سی کی جانب سے ون ڈے کی تازہ رینکنگ جاری کی گئی ہے جس میں پاکستان کے کپتان بابر اعظم 882 پوائنٹس کے ساتھ بدستور پہلے نمبر پر موجود ہیں جبکہ

 

جنوبی افریقا کے ڈر ڈوسن دوسری اور بھارت کے شبمن گل تیسری پوزیشن پر ہیں۔ون ڈے بیٹرز کی رینکنگ میں پاکستان کے امام الحق چوتھی اور فخر زمان ساتویں پوزیشن پر موجود ہیں ہیں، ایشیا کپ کے آغاز سے قبل امام الحق تیسری اور فخر زمان پانچویں پوزیشن پر تھے۔
دوسری جانب ون ڈے بولرز کی رینکنگ میں قومی فاسٹ بولر شاہین آفریدی ٹاپ 5 بولرز میں آگئے ہیں، تازہ رینکنگ میں شاہین آفریدی پانچویں پوزیشن پر ہیں۔شاہین آفریدی ایشیا کپ کے آغاز سے قبل نویں پوزیشن پر تھے، بھارت اور نیپال کے خلاف شاندار بولنگ کے بعد فاسٹ بولر شاہین آفریدی نے 4 درجے ترقی کی ہے، فاسٹ بولر نے 2 میچز میں 29 ریٹنگ پوائنٹس لے کر

4 درجے ترقی حاصل کی۔بھارت کے خلاف ان کی پرفارمنس نے دنیا بھر کے کھلاڑیوں کو ان کی تعریف پر مجبور کردیا تھا اور وہ ویرات کوہلی اور روہیت شرما کو آؤٹ کرنے والے دنیا کے پہلے کھلاڑی بن گئے –