بہن کی تدفین کے اگلے ہی روز قبرستان سے واپس آتا اردن کا نوجوان پانی کے ریلے میں ڈوب کر جان کی بازی ہارگیا۔ عرب ٹی وی کی خبر کے مطابق اردن کے علاقے الشامیہ میں خلیل عبد النعیمات کی بہن کا انتقال 28 مئی اتوار کی شام ہوا اور پیر کی علی الصبح خلیل طوفانی بارشوں کے باعث آنے والے پانی کے ریلے میں ڈوب کر جاں بحق ہوگیا، 35 سالہ خلیل زرعی کریڈٹ کارپوریشن میں کام کرتا تھا ۔
دفن شقيقته ثم لحق بها.. السيول تخطف حياة خليل النعيمات#أخبار_الأردن #الأردن pic.twitter.com/3bce6os5ps
— أخبار الأردن (@AkhbarOrdon) May 29, 2023
اتوار کو وہ اپنی مرحوم بہن فائزہ کی تدفین کے لیے گیا ، سوگواروں کے جانے کے بعد خلیل نے قرآن کریم کی تلاوت کی ۔ اس نے اپنے اہل خانہ اور عزیز واقارب کو گھر بھیج دیا اور خود اس نے اپنی بہن کی قبر کے پاس رہنے کا فیصلہ کیا، وہ اپنی بہن کی قبر پر بیٹھا تلاوت قرآن پاک کرتا رہا۔ اپنی بہن کی قبر پر وقت گزار کر خلیل قبرستان سے نکلا اور اس کے کچھ ہی دیر بعد موسلا دھار بارش شروع ہوگئی جو سیلابی ریلے کی شکل اختیار کرگئی اور بار کا یہ بے رحم ریلہ خلیل کو بھی اپنے ساتھ بہا لے گیا۔خلیل النعیمات کی موت کی خبر نے اس کے عزیز واقرباء کو اور شدید صدمہ میں مبتلا کردیا اور سارے علاقے میں غم کی کیفیت طاری ہوگئی۔ بعد ازاں اس کی نعش مل گئی ۔جہاں اسے اپنی بہن کے ساتھ ہی سپرد خاک کردیا گیا –