عمران خان کی گرفتاری پر ملک بھر میں بھونچال پیدا ہوگیا اور جس انداز میں عدالت کے اندر سے کپتان کی گرفتاری ہوئی تھی اس شرمناک فعل نے پوری پاکستانی قوم کو غمزدہ کردیا تھا ان میں صدر پاکستان عارف علوی بھی شامل ہیں اسی لیے انھوں نے وزیراعظم پاکستان سے خط کے ذریعے اپنے تحفظات کا اظہار کیا –
صدر مملکت عارف علوی نے چیئرمین تحریک انصاف عمران خان کی گرفتاری پر وزیراعظم شہباز شریف کو خط لکھ دیا۔ صدرِ پاکستان عارف علوی نے شہباز شریف کو خط میں کہا ہے کہ وزیراعظم کی توجہ عمران خان کی گرفتاری اور نتائج کی جانب مبذول کرانا چاہتا ہوں، میں اور پاکستانی عوام واقعے کی ویڈیو دیکھ کر حیران رہ گئے۔ ویڈیو میں ایک سابق وزیراعظم کیساتھ بد سلوکی کی گئی۔ عمران خان مقبول رہنما اور انہیں عوام کی بڑی حمایت حاصل ہے۔ قانون نافذ کرنیوالے زبردستی داخل ہوئے اس وقت ہائی کورٹ میں داخل ہوئے جب عمران خان کی بائیو میٹرک کا عمل جاری تھا۔
صدر پاکستان کا کہنا تھا کہ عمران خان کی گرفتاری سے پاکستان کا تاثر داغدار رہوا، اس قسم کا واقعہ کسی کے ساتھ نہیں ہونا چاہئے۔اس بات کو یقینی بنائیں کہ عمران خان کے بنیادی حقوق پامال نہ ہوں۔
