پاکستان کی شوبز میں ایک اہم نام میرا کا بھی ہے جو خود کو میڈیا میں زندہ رکھنے کے لیے ایسے کام کرجاتی ہیں جس کی وجہ سے انہیں سخت تنقید کا سامنا بھی کرنا پڑجاتا ہے -ان کی شادی کے بھی چرچے رہے مگر وہ ہمیشہ اس کے انکاری رہیں تاہم اب انھوں نے میڈیا کو یک اور بریکنگ نیوز سنادی ہے کہ وہ عنقریب شادی کے بندھن میں بندھنے جارہی ہیں -اداکارہ میر انے کہا ہے کہ پرستار بہت جلد میری شادی کی خبر سنیں گے مجھے من چاہا دولہا مل گیا ہے۔ انھوں نے فلم سازوں کو بھی مفت مشورہ دے ڈالا ان کا کہنا تھا کہ فلم انڈسٹری کے حالات میں بہتری لانے کیلئے بڑے پیمانے پر سرمایہ کاری کی ضرورت ہے اوریہ اس وقت تک ممکن نہیں جب تک پبلک پرائیویٹ جوائنٹ ونچر نہیں کیا جاتا،ہمارے ہاں آج تک فلم کے پلیٹ فارم سے اس طرح استفادہ نہیں کیا گیا جس کی ضرورت ہے،فلم انڈسٹری کے ذریعے ہم پاکستان کے خلاف ہونے والے پراپیگنڈے کومؤثراندازمیں کاؤنٹر کرسکتے ہیں۔
من چاہا دولہا مل گیا ، پرستار جلد میری شادی کی خبر سنیں گے ، میراhttps://t.co/PVVhzyByFF pic.twitter.com/VVGcNcKWUA
— Daily Qudrat ( Pakistan Latest News ) (@DailyQudrat) April 11, 2023
ایک سوال کے جواب میں میرا نے کہا کہ آج کے دورمیں ہرشخص چاہتاہے کہ اس کے ہاتھ میں جو موبائل فون ہے اس پر ہی سب کچھ مل جائے۔ فلم انڈسٹری کے لوگوں اورحکومت کو ایسے اقدامات کرنے چاہئیں جس سے لوگ سینما کی طرف آئیں۔ فلم انڈسٹری سے صرف فنکاروں کو روزگار نہیں ملتابلکہ کئی شعبوں کے سینکڑوں لوگ رزق کماتے ہیں۔