لاہور پولیس نے زمان پارک میں کیٹرنگ سروس دینے والے 10 افراد کو بھی گرفتار کرکے مختلف جیلوں میں بھجوا دیا ہے۔چیئرمین پی ٹی آئی عمران خان کی ممکنہ گرفتاری کی خبر کے بعد زمان پارک میں کارکنوں کی خدمات لی جارہی ہیں، ان کارکنوں کیلئے کھانا ،کرسیاں اور دیگر کیٹرنگ سروس یہ دس افراد فراہم کر رہے تھے۔

روزنامہ پاکستان کی خبر کے مطابق مبینہ طور پر ان تمام کیٹرنگ والوں کا تعلق ن لیگ سے ہے ، ان کا کہنا تھا کہ پولیس زیادتی کر رہی ہے، ہم نے کھانا فروخت کیا، کیٹرنگ کا بھی کرایہ وصول کیا ہے، ہم اپنا کاروبار کر رہے ہیں، تمام کیٹرنگ والے پیسے لیکر اپنی سروسز مہیا کر رہے تھے، پی ٹی آئی سے ان کا کوئی سیاسی یا نظریاتی تعلق نہیں ہے ہم سے جو بھی کیٹرنگ کا سامان لیتا ہے وہ یہ تھوڑی بتاتا ہے کہ وہ اس سامان کو کہاں استعمال کرے گا ۔