گورنر خیبرپختونخوا غلام علی نے کہاہے کہ الیکشن کمیشن آف پاکستان سے مشاورت کے بعد انتخابات کی تاریخ کا اعلان کروں گا۔ نجی ٹی وی سے گفتگو کے دوران گورنر خیبرپختونخوا غلام علی نے کہاہے کہ سپریم کورٹ کے فیصلے پر ہم عملدرآمد کریں گے ، ہم الیکشن کمیشن سے بھی بات کریں گے،وہ ہمیں خط لکھتے ہیں ورنہ ہم خط لکھیں گے کہ کیا کریں،ان کاکہناتھا کہ الیکشن کمیشن آئینی ادارہ ہے اور میں بھی آئینی عہدہ رکھتا ہوں لیکن سب سے زیادہ الیکشن کمیشن کی ذمہ داری ہے ۔
گورنر کے پی غلام علی نے کہا کہ تحریری فیصلے پـــــــر من و عن عمل کریں گے، حکم ســـــــر آنکھوں پر، الیکشن کــــــی تاریخ کا اعلان تـــــــو کرنا ہے، اس کـــے سوا کـــــوئی چارہ نہیں، حالات جـــــو بھـــــی ہوں سپریم کورٹ کـــے فیصلے کـــــو مانیں گے pic.twitter.com/aV5Xw1xcCA
— Ch Mukhtar Ahmed (@MukhtarAhmedCh) March 1, 2023
گورنر خیبر پختون خوا کا کہنا تھا کہ وہ تو اس سے پہلے بھی تین بار الیکشن کمیشن کو خط لکھ چکے ہیں اور الیکشن کی تاریخ دینے پر الیکشن کمیشن سے بات کو تیار ہیں -تاہم ان کا کہنا تھا کہ کے پی کے کے بہت سے علاقے ایسے ہیں جہاں الیکشن کے روز دہشت گردی کا خدشہ ہے اس لیے وہ چاہتے ہیں کہ ان علاقوں میں پوری تیاری کے ساتھ الیکشن کروایا جائے تاکہ لوگوں کی جان کو خدشات لاحق نہ ہوں –
گورنر خیبرپختونخوا کا کہنا تھا کہ سپریم کورٹ نے بھی کہاکہ سارے ادارے الیکشن کمیشن کے ماتحت ہوں گے ، الیکشن کی تاریخ کے حوالے سے ہم اور الیکشن کمیشن مشاورت کرلیں گے اس کے بعد انتخابات کی تاریخ کا اعلان کیا جائے گا۔