آئی ایم ایف سے مزاکرات کے بعد حکومت نے مختلف اشیاء کی قیمتوں میں اضافے کی حامی بھر لی تھی -آج اس پر عمل درآمد شروع کردیا گیا -وزیراعظم شہباز شریف کی ہدایت پر وفاقی کابینہ نے بجلی صارفین سے 76 ارب روپے اضافی وصول کرنے کی منظوری دیدی،3 روپے 39 پیسے فی یونٹ کا اضافی سرچارج لگے گا۔
بجلی صارفین سے 76 ارب کی اضافی وصولیاں آئندہ 4 ماہ میں کی جائیں گی، رقم پاور ہولڈنگ کمپنی کے قرض کی مد میں وصول کی جائے گی۔ صارفین سے اضافی سرچارج کے ذریعے مارچ سے جون 2023 کے دوران وصولیاں کی جائیں گی۔ اس حوالے سے وفاقی کابینہ سے کابینہ ڈویژن کی سمری کی سرکولیشن کے ذریعے منظوری لی گئی ہے۔بجلی صارفین سے اضافی وصولیوں کیلئے فی یونٹ سرچارج 3 روپے 82 پیسے ہوجائے گا۔
آئی ایم ایف کا مطالبہ، بجلی اور پٹرول کے بعد گیس 112 فیصد تک مہنگی کرنے کی منظوری
براہ راست نشریات: https://t.co/zJniSEzuJk pic.twitter.com/sMsNh9RUfO
— HUM News (@humnewspakistan) February 14, 2023
بتایا گیا ہے کہ وفاقی کابینہ کی جانب سے ایک روپیہ فی یونٹ کا اضافی سرچارج لگانے کی بھی منظوری دی گئی ہے جو آئندہ مالی سال 2023-24 کے لیے لاگو ہوگا، وصولیاں300 سے کم یونٹ والے بجلی صارفین سے نہیں کی جائیں گی جب کہ کے الیکٹرک کے صارفین پر بھی اضافی سرچارج کا اطلاق ہوگا۔