مریم نواز نے لاہور میں پارٹی کی تشکیل نو کا فیصلہ کرلیا جس کے بعد پنجاب بھر میں عہدے داران کے عہدوں کی تبدیلی کا امکان ہے -اس کا آغاز لاہور سے کیا گیا اور سیف الملوک کھوکھر کو لاہور کا صدر بنا دیا گیا -مسلم لیگ کی( ن) کی سینئر نائب صدر مریم نواز اور حمزہ شہبازشریف نے لاہور کا ضلعی صدر بننے پر ملک سیف الملوک کھوکر کو مبارکباد دیتے ہوئے ٹیلیفون کیاہے ۔
محترم ملک سیف الملوک کھوکھر صاحب
صدر لاہور
ملک سیف الملوک کھوکھر کو پاکستان مسلم لیگ (ن) لاہور کا صدر بننے پر مبارکباد pic.twitter.com/zbfLZEkMhJ
— Somia Atta Shahani Baloch (@Somia_1234) January 24, 2023
تفصیلات کے مطابق مریم نواز کا کہناتھا کہ آپ پارٹی کا فخر ہیں ، اور ہمیشہ پارٹی کے ساتھ کھڑے رہے ،مشکل دور میں کھوکھر برادران پارٹی کے ہمیشہ ساتھ ڈٹ کر کھڑے رہے ،انشاءاللہ آپ مسلم لیگ( ن) کو لاہور میں مضبوط کریں گے ۔اس کی تائید حمزہ شہباز کی جانب سے بھی کی گئی- حمزہ شہباز کا بھی فون پر گفتگو میں کہناتھا کہ مسلم لیگ( ن) لاہور کا صدر بننے پر آپ کو مبارکبا دیتاہوں ، آپ پارٹی کے با وفا ساتھی ہیں، آپ بہترین انداز میں بطور لاہور صدر کام کریں گے ۔ ان کے علاوہ وزیر داخلہ رانا ثناءاللہ نے بھی سیف الملوک کھوکھر کو ٹیلیفون کر کے لاہور کا صدر بننے پر مبارک باد دی۔