سوشل میڈیا پلیٹ فارم پر ویڈیو وائرل ہونے کے بعد انڈیا کے اتر پردیش میں ایک روٹی بنانے والے کو مقامی ہوٹل میں تندوری روٹیوں پر ‘تھوکنے’ کے الزام میں گرفتار کر لیا گیا ہے۔
ٹویٹر پر یہ ویڈیو وائرل ہوئی جس میں ملزم کو تندور میں ڈالنے سے پہلے روٹی کے آٹے پر ‘تھوکتے’ دیکھا جا سکتا ہے، جو بعد میں علاقے کے گاہکوں کو فروخت کرتا ہے۔

صاحب آباد سپرنٹنڈنٹ پولیس (ایس پی) پونم مشرا کے مطابق، بھارتی پولیس نے فوری طور پر روٹیوں پر تھوکنے کے الزام میں ملزم، جس کی شناخت تاثیر الدین کے نام سے کی گئی، کے خلاف کارروائی کی اور ٹیلا موڑ پولیس اسٹیشن میں فرسٹ انفارمیشن رپورٹ (ایف آئی آر) درج کرائی۔
انہوں نے مزید کہا کہ بھارت کے شہر غازی آباد کے علاقے صاحب آباد سے تعلق رکھنے والے ایک شہری کی شکایت پر ایف آئی آر درج کی گئی ہے۔ جس کے بعد پولیس نے مزید تفتیش شروع کر دی۔
مارچ 2021 کو اسی طرح کے ایک واقعے میں، دو افراد مغربی دہلی کے ایک ہوٹل میں چپاتی پر تھوکتے ہوئے پکڑے گئے تھے۔ وائرل ویڈیو میں ان میں سے ایک کو آٹا گوندھتے ہوئے دیکھا گیا جبکہ دوسرے کو تندور میں ڈالنے سے پہلے روٹیوں پر تھوکتے ہوئے دیکھا گیا۔

تحقیقات شروع کرنے کے بعد پتہ چلا کہ یہ ویڈیو کھیالہ کے علاقے چاند نامی مقامی ہوٹل کی ہے۔ دونوں افراد کی شناخت سبی ​​انور اور ابراہیم کے طور پر ہوئی ہے، دونوں بہار کے کشن گنج کے رہنے والے ہیں۔ بعد ازاں متعلقہ دفعات کے تحت مقدمہ درج کر کے دونوں ملزمان کو گرفتار کر لیا گیا۔