کل لاہور ہائی کورٹ نے لاہور میں سکولوں کو ہدایات جاری کی تھیں کہ جمعہ ہفتہ اور اتوار سکولوں میں تعطیل ہوگی مگر لاہور کے بعض علاقوں مین عدالت کے ان احکامات کو ہوا میں اڑا دیا گیا اور سکولوں میں تعلیم وتدریس کا عمل جاری رکھا گیا جس پر والدین نے انتظامیہ کو شکایت کی پرائیویٹ سکولز ایسوسی ایشن نے سموگ کے بڑھتے ہوئے خطرے کے پیش نظر لاہور کے سکولوں میں ہفتہ وار تین چھٹیوں کے احکامات پر عمل کرنے سے انکار کر دیا ہے۔
لاہور کے سرکاری اور پرائیویٹ سکول ہفتے میں تین دن بند رہیں گے، محکمہ سکول ایجوکیشن پنجاب#SchoolEducationDepartmentPunajb #LahoreSchoolClosure #EducationNews #TimesofPakistan #PakistanNews #LatestNews #BreakingNews #LatestPakistanNews #PakNews #PakistanBreakingNews pic.twitter.com/55qeUwl5Ck
— ٹائمز آف پاکستان (@timesofpakurdu) December 7, 2022
تفصیلات کے مطابق لاہور ہائیکورٹ اور پنجاب حکومت کے ہفتے میں تین دن چھٹی کے احکامات کے باوجود لاہور کے متعدد اسکول آج کھلے ہیں۔
چونگی امر سدھو ، نشتر ٹاؤن، کاہنہ، گجوماتا، رائے ونڈ روڈ اور دیگر علاقوں میں واقع اسکول آج کھلے ہیں کیونکہ پرائیویٹ اسکول ایسوسی ایشن نے لاہور ہائیکورٹ اور پنجاب حکومت کے احکامات ماننے سے انکار کر دیا ہے۔
بدھ کے روز، پنجاب حکومت نے لاہور ہائی کورٹ کے حکم کے بعد، شدید سموگ کے باعث صوبائی دارالحکومت میں اسکولوں کے لیے ہفتے میں تین دن چھٹی کا نوٹیفکیشن جاری کردیا۔
سرکاری نوٹیفکیشن میں کہا گیا کہ لاہور کے تمام اسکول جمعہ، ہفتہ اور اتوار کو بند رہیں گے۔ “تین ہفتہ وار چھٹیوں کا فیصلہ اگلے حکم تک نافذ رہے گا ۔
گاڑیوں، کارخانوں سے نکلنے والا دھواں اور فصلوں کی باقیات کو جلانا اس گھنے سموگ کے پیچھے بڑے عوامل ہیں جو موسم سرما کے ابتدائی دنوں میں شہروں کو اپنی لپیٹ میں لے لیتی ہے۔اب دیکھنا یہ ہے کہ عدالت اور پنجاب حکومت ان سکولوں کے خلاف کوئی کاروائی کرتی ہے یا ان کی دیکھا دیکھی شہر میں بند سکول بھی ان کے نقش قدم پر چل کر اپنے سکول بھی کھول دیتے ہیں –