ایف آئی اے نے شواہد سمیت 29 نومبر (منگل) کو ایف آئی اے ہیڈ کوارٹرز میں پیش ہونے کو کہا ہے۔
یہ پیش رفت اس وقت سامنے آئی ہے جب تسنیم حیدر شاہ نے مسلم لیگ ن کی اعلیٰ قیادت پر سنگین الزامات عائد کیے تھے اور دعویٰ کیا تھا کہ عمران خان اور مقتول سینئر صحافی ارشد شریف کے خلاف قتل کی سازش لندن میں تیار کی گئی تھی۔
image source: Daily Times
آج لندن میں پریس کانفرنس کرتے ہوئے انہوں نے دعویٰ کیا کہ انہوں نے لندن میں حسین نواز کے دفتر میں مسلم لیگ ن کے قائد نواز شریف سے تین ملاقاتیں کیں۔ میں گزشتہ 20 سال سے مسلم لیگ ن سے وابستہ ہوں۔ مجھے عمران خان اور ارشد شریف کے قتل کی سازش تیار کرنے کے لیے اجلاس میں بلایا گیا تھا۔
پہلی ملاقات 8 جولائی، دوسری 20 ستمبر اور تیسری 29 اکتوبر کو ہوئی۔ مجھے نئے آرمی چیف کی تقرری سے پہلے ارشد شریف اور پھر عمران خان کو ختم کرنے کا کہا گیا۔ ناصر بٹ نے میرا تعارف نواز شریف سے گجرات کے ایک بااثر شخص کے طور پر کرایا۔ نواز شریف کو بتایا گیا کہ تسنیم حیدر کے شوٹرز سے رابطے ہیں جو ٹاسک مکمل کر سکتے ہیں۔
