الیکشن کمیشن آف پاکستان نے کراچی اور حیدر آباد کے بعد اسلام اباد میں بھی بلدیاتی انتخابات کی تاریخ کا اعلان کردیا -الیکشن کمیشن آف پاکستان نے کہاہے کہ اسلام آباد بلدیاتی انتخابات کیلئے امیدوار کو یکم دسمبر کو انتخابی نشانات الاٹ کر دیئے جائیں گے جبکہ پولنگ 31 دسمبر کو ہوگی ۔
اسلام آبادمیں بلدیاتی انتخابات کیلئے کاغذات نامزدگی کیخلاف اپیلیں جمع کرانے کا سلسلہ جاری ہے،28 نومبر کواپیلوں پر فیصلے ہو جائیں گے ۔
اسلام آباد بلدیاتی انتخابات کے حوالے سے اہم معلومات دیکھیں۔@ECP_Pakistan pic.twitter.com/v22FIzt0os
— Spokesperson ECP (@SpokespersonECP) November 23, 2022
الیکشن کمیشن کاکہناہے کہ 30 نومبر تک امیدوار کاغذات نامزدگی واپس لے سکیں گے ۔اس کے علاوہ الیکشن کمیشن نے عام انتخابات کے لیے بھی تمام تر انتظامات مکمل کرنے کی یقین دہانی عدالت عظمیٰ میں کروادی ہے اور بعض نیوز چینلز کے مطابق بیلٹ پیپرز کی چھپائی کے لیے استعمال ہونے والا کاغز تک خرید لیا گیا ہے اور اس طرح جب سپریم کورٹ الیکشن کمیشن کو الیکشن کرانے کے احکامات دے گی فوری طور سے انتخابات کا علم ملک بھر میں شروع ہوجائے گا-