پاکستان اور قازقستان ٹرانزٹ ٹریڈ معاہدے پر دستخط کرنے پر متفق
پاکستان میں قازقستان کے سفیر Yerzhan Kistafin کا کہنا ہے کہ پاکستان اور قازقستان کے درمیان دوطرفہ تجارت کو تیز کرنے کے لیے ٹرانزٹ ٹریڈ کے معاہدے پر جلد دستخط ہونے کی امید ہے۔
image source: AGP
وہ اسلام آباد میں سنٹر آف پاکستان اینڈ انٹرنیشنل ریلیشنز کے اشتراک سے ’’پاکستان ان دی ورلڈ‘‘ کے زیر اہتمام سیمینار سے خطاب کر رہے تھے۔
سفیر نے کہا کہ امکان ہے کہ قازقستان کے وزیر برائے تجارت و صنعت آئندہ ماہ پاکستان کا دورہ کریں گے جس کے دوران وہ دونوں ممالک کے درمیان باہمی تجارت اور ترجیحی تجارتی معاہدے پر بات کریں گے۔
انہوں نے کہا کہ قازقستان کے صدر نورسلطان نظربایف بھی جلد پاکستان کا دورہ کریں گے اور یہ دونوں ممالک کے درمیان قریبی تعلقات کو فروغ دینے میں بہت اہم ہو گا۔