سندھ ہائی کورٹ نے سندھ حکومت کے بلدیاتی انتخابات میں تاخیری حربوں کو مسترد کرتے ہوئے الیکشن کمیشن کو نیا حکم نامہ جاری کردیا – سندھ ہائیکورٹ نے فیصلے میں کہاہے کہ اگرچہ ہم الیکشن کمیشن کو مجبور تو نہیں کرسکتے لیکن وہ انتخابات کا شیڈول جاری کرے،الیکشن کمیشن 3 دسمبر تک بلدیاتی انتخابات کے شیڈول کا اعلان کرے ،الیکشن کمیشن بلدیاتی انتخابات سے متعلق 60 روز میں تمام اقدامات مکمل کرے۔

 

عدالتی فیصلے میں کہاگیا ہے کہ بلدیاتی انتخابات کی تاریخ دو ماہ کے اندر اندر دینی چاہئے ،صوبائی حکومت کے لیے احکاماد صادر کرتے ہوئے عدالت نے لکھا کہ سندھ حکومت بلدیاتی انتخابات کیلئے سکیوریٹی سمیت تمام سہولیات فراہم کرنے کی پابند ہوگی. امن و امان کو یقینی بنایا جائے گا – عدالت نے انتخابات سے قبل چیف سیکرٹری اور آئی جی سندھ کو حکم دیا کہ انتخابت کی تیاری کے لیے تمام تر ضروری انتظامات الیکشن کی تاریخ سے پہلے مکمل کریں ۔