اسلام آباد: وزارت خارجہ کے ترجمان نے بدھ کو بتایا کہ وزیر اعظم شہباز شریف یکم نومبر کو دو روزہ سرکاری دورے پر چین روانہ ہوں گے۔
تفصیلات کے مطابق وزیراعظم عوامی جمہوریہ چین کی سٹیٹ کونسل کی دعوت پر چین کا دورہ کریں گے۔ وزیر خارجہ بلاول بھٹو زرداری سمیت ایک اعلیٰ سطح کا وفد یکم نومبر کو وزیراعظم کے دورے کے دوران ان کے ہمراہ ہوگا۔
Image Source: Dawn
علاوہ ازیں پاکستانی وزیراعظم چینی صدر شی جن پنگ سے ملاقات کریں گے جس میں دوطرفہ تعاون سے متعلق امور اور علاقائی اور عالمی پیش رفت پر تبادلہ خیال کیا جائے گا۔
اعلیٰ سطح کا وفد پاک چین دیرپا دوستی کو مضبوط بنانے کے لیے مختلف شعبوں میں متعدد مفاہمت کی یادداشتوں پر دستخط بھی کرے گا۔
قبل ازیں وزیراعظم شہباز شریف اور ولی عہد اور سعودی عرب کے وزیراعظم محمد بن سلمان السعود نے کاروبار اور سرمایہ کاری کے شعبوں میں دوطرفہ تعلقات کو مزید مستحکم کرنے پر اتفاق کیا۔
ملاقات کے دوران دوطرفہ تعاون اور علاقائی سلامتی کی صورتحال پر تبادلہ خیال کیا گیا۔