اگر یہ کہا جائے کہ کتے ہمارے عہد کے چالاک ہوگئے تو یہ ہرگز غلط نہ ہوگا -اس وقت انٹرنیٹ پر ایک کتے کی ویڈیو وائرل ہے جس نے معزور افراد کا بھیس دھار کر ہٹے کٹے صحتمند بھکاریوں کے طریقے سیکھ کر ان بھکاریوں کو بھی پیچھے چھوڑ دیا ہے
آج کی اس ویڈیو میں دیکھا جا سکتا ہے کہ ایک بھوکا کتا سڑک پر موجود ہے جو لنگڑا کر چل رہا ہے مگر درحقیقت اس کے چاروں پاؤں بالکل صحیح سلامت ہیں مگر اس نے کسی فقیر کو یہ کرتے باربار دیکھا ہوگا جس سے اس کو یہ معلوم ہوگیا کہ کھانا لینے کے لیے کیا کرنا چاہیے ، کتے نے کھانا حاصل کرنے کے لیے اپنی ذہانت کا استعمال کرتے ہوئے اداکاری کے ایسے جوہر دکھائے کہ دیکھنے والے دنگ رہ گئے۔
ویڈیو: کتے نے بہترین اداکاری کر کے کھانا حاصل کر لیا https://t.co/RvOYTcoW0l
— Bashir Hamdard (@BashirHamdard14) September 25, 2022
کتے نے کھانا حاصل کرنے کے لیے معذور بننے کی ایسی اداکاری کی کہ ایک راہگیر کو اس پر رحم آگیا اور اسے کھانا دے دیا،کتا کھانا لیتے ہی اپنے قدموں پر دوڑنے لگا اور دور جا کر اسی معذور ٹانگ سے کھانا توڑ کر کھانے میں مصروف ہو گیا۔
ویڈیو نے سوشل میڈیا صارفین کو ہنسنے پر مجبور کیا اور حیران بھی – صارفین کی جانب سے کتے کے لیے بہترین اداکاری پر آسکر ایوارڈ کا مطالبہ بھی کیا جا رہا ہے اگر میڈیا والوں کے ہاتھ یہ ڈرامہ باز کتا لگ گیا تو امید ہے جلد ہی یہ کتا کسی ہالی ووڈ فلم میں مرکزی کردار ادا کرے گا ۔