سندھ کے شہر کراچی میں امن و عامہ کی صورتحال کتنی مخدوش ہوگئی ہے اس کااندازہ اس بات سے کیا جاسکتا ہے کہ ڈاکووں نے ایک پولیس اہل کا کو ہی بینک کے باہر سے لوٹ لیا – کراچی پولیس کے ڈی ایس پی سعید جبار بینک سے 8 لاکھ روپے نکلوا کر جا رہے تھے کہ ڈاکوؤں نے ان کا تعاقب کیا اور سٹیڈیم رود پر ڈالمیا کے قریب پولیس افسر کو لوٹ لیا۔ ملزمان نے اسلحے کے زور پر ڈی ایس پی سعید جبار کو لوٹا اور فرار ہو گئے ۔ پولیس کے مطابق واقعے کا مقدمہ درج کرلیا گیا ہے جبکہ سی سی ٹی وی فوٹیجز حاصل کی جا رہی ہیں ۔
کراچی میں ڈاکوؤں نے ڈی ایس پی کو لوٹ لیا 8 لاکھ روپے چھین کر فرار https://t.co/KQSeRbXMNc
— ModXpress (@ModXpresss) September 22, 2022
شہر قائد میں ڈکیتی ، راہزنی اور قتل و غارت گری کی بڑھتی وارداتوں پر گزشتہ دونوں ایم کیو ایم کی رابطہ کمیٹی کے ارکان نے بھی تشویش کا اظہار کیا تھا ، خواجہ اظہار الحسن نے پریس کانفرنس میں کہا کہ ہ 6 ماہ میں 800 سے زائد افراد ڈکیتی وارداتوں کے دوران قتل ہو گئے ، انھوں نے اپنی ہی اتحادی جماعت پر تنقید کی تھی اور کہا تھا کہ ایسا محسوس ہوتا ہے جیسے جرائم پیشہ افراد کو قتل و غارت کا لائسنس دیدیا گیا ہو ، انہوں نے پیپلز پارتی کے طرز حکومت کو بھی ان جرائم کا ذمہ دار قرار دیا تھا ان کا کہنا تھا کراچی کے تمام پولیس افسران سیاسی ہیں ۔
کراچی میں اسٹیڈیم روڈ پر ڈالمیا کے قریب ڈاکو پولیس افسر سے لاکھوں روپے لوٹ کر فرار، ڈی ایس پی سعد جبار بینک سے 8 لاکھ روپے لے کر نکلے تھے، ڈاکوؤں نے ڈی ایس پی کا تعاقب کیا اور کچھ دور جا کر انہیں لوٹ لیا pic.twitter.com/6YWAtZHayS
— QOMINEWS (@QOMINEWS) September 22, 2022
خواجہ اظہار الحسن نے اس بات پر بھی تنقید کی تھی کہ وزیر اعلیٰ نے وزارت داخلہ اپنے پاس رکھی ہوئی ہے ، ان سے نہ وزارت اعلیٰ چل رہی ہے نہ وزارت داخلہ ، پولیس چیف کی تاجروں سے گفتگو تکلیف دہ تھی ، کراچی پولیس چیف نے ڈاکوؤں کو بری الذمہ قرار دیدیا، ایک ہوٹل میں 11 مسلح افراد آئے اور سب کو لوٹ کر چلتے بنے ۔
آج ان کی اس بات کا وزن اور بڑھ گیا ہےآپ کود فیصلہ کرلیں کہ جس شہر میں پولیس والے محفوظ نہ ہوں وہاں عام آدمی کا کیا حال ہوگا؟