اس کائنات کا خالق جیسا چاہتا ہے کر دیتا ہے اللہ فرماتا ہے کہ تمہارا رب وہ ہے جو ماں کے رحم میں جیسی صورت چاہتا ہے بنا دیتا ہے -اللہ کے اگے کسی کا زور نہیں چل سکتا -کچھ لوگ زندگی بھر ایک بیٹے یا بیٹی جسے اولاد نرینہ بھی کہا جاتا ہے کے لیے ترستے رہتے ہین تو کچھ لوگوں کو اللہ پاک ہرسال اس نعمت سے نوازتا رہتا ہے کچھ کو بیک وقت جڑواں یا تڑواں بچےعطا کردیتا ہے اور بعض اوقات ایک جوڑے کو اتنی اولاد عطا کرتا ہے کہ اس ملک یا دنیا بھر کا میڈیا ان کے انٹرویو لینے ان کی جانب دوڑتا ہے ایسی ہی ایک حیران کردینے والی خبر پاکستان کے سب سے بڑے شہر کراچی سے آئی ہے جہاں جناح ہسپتال میں ایک خاتون کے ہاں نارمل ڈلیوری سے بیک وقت چھ بچوں کی پیدائش ہوئی ہے، ان میں سے ایک بچہ مردہ حالت میں پیدا ہوا جبکہ باقی پانچ بچوں کی حالت خطرے سے باہر ہے.
کراچی میں خاتون کے ہاں بیک وقت 6 بچوں کی پیدائش https://t.co/mfa5B4KIhL
— Geo News Urdu (@geonews_urdu) September 15, 2022
جناح ہسپتال انتظامیہ کے مطابق حنا نامی خاتون گذشتہ شب چیک اپ کے لیے ہسپتال آئی تھی خاتون کا تعلق کالا پل کے علاقے سے ہے ۔ چیک اپ کے بعد انہیں وارڈ منتقل کیا گیا جہاں ان کے ہاں چھ بچوں کی پیدائش ہوئی.ہسپتال انتظامیہ کے مطابق بچے نارمل ڈلیوری کے ذریعے پیدا ہوئے ہیں، ان بچوں میں سے تین بیٹے اور دو بیٹیاں زندہ ہیں اور جب وہ پیدا ہوئے تو نارمل تھے اور رو رہے تھے۔