اسلام آباد ہائی کورٹ نے آج پی ٹی آئی کے قانون ساز شکور شاد کی درخواست پر الیکشن کمیشن آف پاکستان کی جانب سے این اے 246 لیاری کو خالی قرار دینے کا نوٹیفکیشن معطل کردیا۔ای سی پی نے قومی اسمبلی کے سپیکر راجہ پرویز اشرف کی جانب سے پی ٹی آئی کے 11 ایم این ایز کے استعفے منظور کیے جانے کے بعد یہ نشست خالی قرار دے دی تھی اس سے قبل بھی الیکشن کمیشن آف پاکستان کے کئی فیصلے پاکستان کی اعلیٰ عدلیہ معطل کرتی رہی ہیں جس کے بعد تحریک انصاف کا یہ بیانیہ اور عوام میں مقبولیت پاجاتا ہے کہ الیکشن کمیشن پی ٹی آئی کے خلاف جانبدارانہ فیصلے کررہا ہے ۔
او خیر، شکور شاد کے استعفیٰ سے انکار پر۔۔
الیکشن کمیشن کا نوٹیفکیشن معطل۔۔
چیف جسٹس اسلام آباد ہائی کورٹ جسٹس اطہرمن اللہ نے شکور شاد کو اسمبلی اجلاس میں شریک ہونے کا حکم جاری کر دیا
مطلب یہ کہ سارے اراکین واپس جا سکتے ہیں اور دو بندے ادھر اُدھر ہو کر گیم بدل سکتے۔۔۔
— Waqas Amjad ( محترم ) (@waqas_amjaad) September 9, 2022
تاہم شکور شاد نے بعد ازاں عدالت سے رجوع کیا اور استدعا کی کہ انہوں نے استعفیٰ ذاتی طور پر جمع نہیں کروایا تھا بلکہ یہ پارٹی کی جانب سے ارسال کیا گیا تھا جس کو انہوں نے اس وقت کے وزیراعظم عمران خان سے اظہار یکجہتی کے لیے پیش کیا تھا- ہائی کورٹ نے آج پی ٹی آئی کے ایم این اے شکور شاد کو قومی اسمبلی کی کارروائی میں شامل ہونے کی ہدایت کی اور اس معاملے پر ان کے جواب کے لیے اسپیکر اور قومی اسمبلی سیکریٹریٹ کو نوٹس جاری کیا۔واضح رہے کہ الیکشن کمیشن آف پاکستان نے ملک میں سیلابی صورتحال کے پیش نظر 13 حلقوں میں شیڈول ضمنی انتخابات ملتوی کر دیے ہیں۔
یہ خوش نا ہو اتنا
شکور شاد نے پارٹی پالیسی سے انحراف کر لیا ہے
مطلب کہ وہ لوٹا ہو گیا ہے
پتہ نہیں کون سی دنیا میں گم ہو
— Wahab Khan (@Itx_Wahab123) September 9, 2022
ای سی پی نے یہ فیصلہ ضمنی انتخابات کی تنظیم کے حوالے سے چیف الیکشن کمشنر (سی ای سی) سلطان سکندر راجہ کی زیر صدارت اعلیٰ سطح کے اجلاس میں کیا۔فیصلہ کیا گیا ہے کہ 11 ستمبر، 25 ستمبر اور 2 اکتوبر کو ہونے والے ضمنی انتخابات ملتوی کر کے نئی تاریخوں کا اعلان جلد کیا جائے گا۔ الیکشن کمیشن نے کہا کہ تباہ کن بارشوں اور سیلاب کے باعث ضمنی انتخاب ملتوی کیا گیا۔
تبصرے