چینی وزارت خارجہ کے ترجمان ژاؤ لیجیان نے کہا ہے کہ چین پاکستان کی معیشت کی ترقی، لوگوں کی زندگیوں میں بہتری اور مالی استحکام برقرار رکھنے میں مدد جاری رکھے گا۔
بیجنگ میں اپنی معمول کی بریفنگ کے دوران انہوں نے کہا کہ چین اور پاکستان ہمہ موسمی تزویراتی شراکت دار ہیں۔
ژاؤ لیجیان نے کہا کہ چینی فریق رہنماؤں کی طرف سے طے پانے والے اتفاق رائے کو عملی جامہ پہنانے، مالیات سمیت مختلف شعبوں میں عملی تعاون کو مزید گہرا کرنے، خطرات اور چیلنجوں سے نمٹنے کے لیے مل کر کام کرنے اور چین پاکستان برادری کی قریبی تعمیر کے لیے پاکستانی فریق کے ساتھ کام جاری رکھنے کے لیے تیار ہے۔