پاکستان تحریک انصاف کے منحرف رکن قومی اسمبلی اور ٹی وی میز بان عامر لیاقت حسین کی دانیہ عامر سے علیحدگی کے بعد سوشل میڈیا پر ایک اور لڑکی نے ان سے شادی کی پیشکش کردی ہے جس کی ویڈیو وائرل ہوگئی ہے۔ علیزے نامی لڑکی نے ایک یوٹیوبر کو انٹرویو دیتے ہوئے کہا کہ مجھے مشہور ہونے کا کوئی شوق نہیں،میرا ان کی دولت سے بھی کوئی لینا دینا نہیں میں تو خود ان کو کئی کروڑ دے سکتی ہوں لیکن مجھے ان سے اس لیے محبت ہے کہ وہ دین و دنیا دونوں کی تعلیم رکھتے ہیں، وہ بہت اچھے انسان ہیں ان کی آواز میں دردہے وہ ایک اچھے نعت خوا ں ہیں ۔
علیزے نامی لڑکی کا کہنا تھا کہ دانیہ ملک نے ان کی عزت کی دھجیاں اڑادیں ان کی کردار کشی کی ، انہوں نے جو بھی الزام لگائے وہ ایسے نہیں ہیں، میں ان کے پروگرام دیکھتی رہی ہوں اور انہیں جانتی ہوں، آج تک میں نے توان کے منہ سے کبھی کوئی ایسی بات نہیں سنی۔
انہوں نے کہا کہ عامر لیاقت نے کئی بے سہارا، یتیم بچوں کو سہارا دیا ہے، عامر لیاقت کو پھنسایا جارہا ہے، ان پر جھوٹے الزام لگائے گئے ہیں۔علیزے کا کہنا تھا کہ دانیہ نے 11 کروڑ کا مطالبہ کیا، میں عامر لیاقت کو کئی کروڑ روپے دے سکتی ہوں، انہیں سونے کا محل بناکر دے سکتی ہوں