سپریم کورٹ میں حکومت اور اپوزیشن کے تمام وکلاء کے دلائل مکمل ہوگئے اٹارنی جنرل کے دلائل کے بعد سپریم کورٹ نے شہباز شریف اور بلاول بھٹوکو مشاورت کے لیے بلایا اس موقع پرچیف جسٹس نے بہت اہم ریمارکس دیئے چیف جسٹس عمر عطا بندیال نے سپیکر رولنگ از خود نوٹس کیس کی سماعت کے دوران جذباتی ریمارکس دیتے ہوئے کہا کہ ”خدا کی قسم ہماری قوم ترس رہی ہے قیاد ت کیلئے” ۔
از خود نوٹس کی سماعت کے دورانمستقبلکے وزیراعظم شہبازشریف نے عدالت میں کہا کہ کیا ہم غداری کے الزام کیساتھ الیکشن کیسے لڑیں گے؟ہم اس الزام کے ساتھ گھر والوں کا سامنا نہیں کر سکتے،چیف جسٹس نے ریمارکس دیئے کہ اس پر پریشان ہونے کی ضرورت نہیں غداری کا الزام جنہوں نے لگایا ہے وہ ثابت کریں،جسٹس جمال مندو خیل نے ریمارکس دیئے کہ رولنگ ختم ہوگئی تو الزام کیسے برقرار رہے گا؟
رولنگ ختم ہونے سے الزام ختم ہوجائے گا،ن لیگ کے وکیل نے ریمارکس دیئے کہ صدر نے سپیکر کی ملی بھگت سے سمری منظور کی، چیف جسٹس نے ریمارکس دیئے کہ اپوزیشن پر بہت سنجیدہ الزامات عائد ہیں، سخت الفاظ استعمال کرنے سے گریز کریں،عدالت میرٹ پر جائے گی نہ ہی الزامات پر فیصلہ دے گی۔چیف جسٹس کیس کی سماعت کے دوران جذباتی ہو گئے اور ریمارکس دیتے ہوئے کہا کہ خدا قسم ، ہماری قوم ترس رہی ہے قیادت کے لیے ۔