دُنیا بھر میں اپنی مقبولیت کے جھنڈے گاڑنے والے معروف تُرک شیف براک ازدمیر نے پاکستان کی معروف اداکارہ و ماڈل سعدیہ خان کو اپنے ریستوران میں مدعو کرلیا۔
اداکارہ نے انسٹاگرام پر تُرک شیف براک کے ساتھ اپنی تصویر شیئر کی ہے،انہوں نے اپنی پوسٹ کے کیپشن میں لکھا کہ مجھے اپنے ریستوران میں مدعو کرنے کے لئے آپ کا بہت شکریہ۔
سعدیہ خان نے لکھا کہ آپ سے ملاقات کر کے بہت خوشی ہوئی، آپ کے ہاتھ کے کھانے میں بہت ذائقہ ہے ،کھانے کے ساتھ ساتھ آپ کی میزبانی بھی بہت شاندار تھی۔
واضح رہے کہ تُرک شیف براک ازدمیر نے گزشتہ سال پاکستان کا دورہ کیا تھا۔
اُنہوں نے اسلام آباد میں پریس کانفرس کرتے ہوئے کہا تھا کہ پاکستان آکر اُنہیں خوشی ہوئی ہے، پاکستان اور ترکی کے تعلقات ہمیشہ بہترین رہے ہیں۔