سپیکر قومی اسمبلی راجہ پرویز اشرف کا فیصلہ غیرقانونی قرار ؛پی ٹی آئی ایم این ایز بحال -لاہور ہائیکورٹ نے پنجاب کے پی ٹی آئی کے ایم این ایز کو ڈی نوٹیفائی کرنے کا الیکشن کمیشن کانوٹیفکیشن معطل کردیا۔
لاہور ہائیکورٹ میں پی ٹی آئی کے مزید 70 ارکان اسمبلی کے استعفوں کی منظوری کیخلاف درخواست پر سماعت ہوئی، درخواست میں موقف اختیار کیاگیا تھا کہ سپیکر نے استعفوں کی منظوری سے پہلے ارکان کا موقف نہیں لیا۔راجہ پرویز اشرف میڈیا پر یہ بیان دے چکے تھے کہ میں کسی ایم این کا استعفیٰ اس وقت تک منظور نہیں کروں گا جب تک وہ خود انفرادی حیثیت میں خود میرے سامنے آکر یہ اقرار نہ کر لے کہ یہ استعفیٰ میں نے اپنے ہاتھ سے خود لکھا ہے اور میں اس اسمبلی کا ممبر نہیں رہنا چاہتا –
عدالت نے پنجاب کے ایم این ایز کو ڈی نوٹیفائی کرنے سے متعلق الیکشن کمیشن کا نوٹیفکیشن معطل کر دیااورآئندہ سماعت پر الیکشن کمیشن سمیت فریقین سے جواب طلب کرلیا، عدالت نے پنجاب کے ایم این ایز کی حد تک ضمنی الیکشن بھی روک دیئے ،عدالت نے کہا کہ سپیکر کے نوٹیفکیشن کی حد تک معاملہ 7 مارچ کو سنا جائے گا۔