پنجاب میں وزیراعلیٰ کون بنے گا ؟ لاہور ہائیکورٹ فیصلہ کرے گا

واضح رہے کہ گورنر پنجاب کی جانب سے وزیر اعلیٰ پنجاب چودھری پرویز الٰہی کو ڈی نوٹیفائی کرنے کے بعد پنجاب کابینہ کو بھی تحلیل کر دیا گیا ہے،نوٹیفکیشن میں کہا گیا ہے کہ یقین ہے وزیراعلیٰ کو اراکین اسمبلی کی اکثریت کا اعتماد حاصل نہیں،اس نوٹی فکیشن کےبعد پنجاب کابینہ ختم ہوگئی ہے۔تاہم پنجاب اسمبلی میں آج بھی اسمبلی اجلاس بلائے جانے کی خبریں ہیں – وزیر اعلیٰ پنجاب چودھری پرویز الٰہی کو ڈی نوٹیفائی کرنے میں تاخیر کی وجہ چیف سیکریٹر ی پنجاب عبداللہ سنبل ہیں،

 

ان کی وجہ سے رات ساڑھے 11 بجے گورنر پنجاب نے ڈی نوٹیفکیشن کا خط جاری کیا۔ گورنر پنجاب نے وزیر اعلیٰ کو ڈی نوٹیفائی کرنے کا خط کل دوپہر ہی تیار کر لیا تھا، لیکن چیف سیکریٹری عبداللہ سنبل کی وجہ سے خط جاری کرنے میں تاخیر ہوئی-اس نئی پیش رفت کے بارے میں چیف سیکریٹری کو مطلع کیا گیا تو انہوں نے کہا کہ وہ پہلے قانونی مشورہ کریں گے اگر قانونی طور پر ایسا ممکن ہوا تو اپنی رائے دیں گے – آخر کار بڑی سوچ بچار کے بعد رات ساڑھے 11بجے چیف سیکریٹر ی کی جانب سے رضا مندی ظاہر کیئے جانے پر وزیر اعلیٰ پنجاب کو ڈی نوٹیفائی کر دیا گیا ۔