جو کل تک یہ کہتے رہے عمران خان کو سیاست نہیں آتی آج وہ عمران خان کی ہر بات کاپی کررہے ہیں -ٹکٹوں کی تقسیم کا سلسلہ کپتان کے لیے سب سے مشکل کام ہوتا تھا مگر اب اس کو بھی خان بڑے منظم طریقے سے سرانجام دے رہا ہے -اس بار کپتان نے فیصلہ کیا ہے کہ وہ امیدواروں کے انٹرویو لے گا اور ان کی پارٹی سے وفاداری کے ساتھ ساتھ پارٹی کے لیے دی جانے والی قربانیوں کو بھی مد نظر رکھے گا کیونکہ اب کپتان نے مطلب پرست اور فصلی بٹیروں سے بھی پارٹی کو پاک کرنا ہے –
اسی لیےچیئرمین پاکستان تحریک انصاف عمران خان نے پنجاب میں انتخابی ٹکٹوں کی تقسیم سے قبل امیدواروں کے حوالے سے ایک اور اہم فیصلہ کیا ہے ۔ فیصلے کے مطابق پنجاب میں انتخابات لڑنے والے امیدواروں کو پارٹی ٹکٹ جاری کرنے سے پہلے مکمل انٹرویو کیا جائے گا۔ پہلے روز پی پی 1 سے لیکر پی پی 50 تک صوبائی اسمبلی کے امیدواروں کو انٹرویوز کے لئے بلایا گیا ہے۔چیئرمین تحریک انصاف عمران خان خود پنجاب کے صوبائی حلقوں کے امیدواروں سے انٹرویو کریں گے، پی پی ایک سے 50 تک میں راولپنڈی، اٹک، بھکر، چکوال جہلم، خوشاب اوردیگر اضلاع کے امیدوارانٹرویو دیں گے۔
تمام اضلاع کے انٹرویوز کا سلسلہ مکمل ہوتے ہی ٹکٹوں کا حتمی اعلان بھی کردیا جائے گا، عمران خان براہ راست امیدوار کی اہلیت کا خود جائزہ لیں گے، پارٹی اورکارکنوں کا فیڈ بیک بھی لیا جائے گا، پارٹی تمام حلقوں بارے شارٹ لسٹڈ امیدواروں سے قیادت کو پہلے ہی آگاہ کرچکی ہے۔ البتہ جو ایم پی ایز کپتان کے ساتھ ڈٹے رہے وہ باصانی دوبارہ بلے کے نشان پر ہی الیکشن لڑیں گے سوائے ان چند لوگوں گے جو تھالی کے بینگن کی طرح کبھی تحریک انصاف کی حمایت کا یقین دلاتے اور کبھی چھپ کر نون لیگ کی سپورٹ کی بات کرتے رہے –