اسلام اباد میں عمران خان کی عدالت پیشی کے موقع پر شدید بدنظمی دیکھنے کو ملی تھی جب سینکڑوں افراد نے جوڈیشل کمپلیکس میں عمران خان کے ساتھ داخل ہونے کی کوشش کی تھی اس پر ویڈیو اور سی سی ٹی وی فوٹج کے ذریعے کچھ افراد کو زیر حراست لیا گیا تھا آج عدالت نے ان تممام افراد کی رہائی کا پروانہ جاری کردیا -اسلام آباد کی انسداد دہشتگردی عدالت نے جوڈیشل کمپلیکس اور ہائیکورٹ میں ہنگامہ آرائی کیس میں گرفتار پی ٹی آئی کارکنوں کو بری کرنے کا حکم دیدیا۔
آج انسداد دہشتگردی عدالت میں چیئرمین پی ٹی آئی عمران خان کی پیشی کے موقع پر ساتھ آئے افراد کی پر جوڈیشل کمپلیکس اور ہائیکورٹ میں ہنگامہ آرائی کیس میں گرفتار ملزمان کی بریت کی درخواستوں پر سماعت ہوئی،عدالت نے جوڈیشل کمپلیکس پر حملے کے کیس میں گرفتار11 ملزمان بری کر دیئے،ہائیکورٹ ہنگامہ آرائی کے 16 ملزمان بھی بری کر دیئے گئے ،پولیس کی جانب سے شناخت پریڈ رپورٹ کی روشنی میں بریت کا فیصلہ سنایا گیا،دیگر گرفتار ملزمان کی 50 ،50 ہزار کے ضمانتی مچلکوں کے عوض ضمانت منظورکرلی،انسداد دہشتگردی عدالت اسلام آباد کے جج راجہ جواد عباس نے محفوظ فیصلہ سنایا۔