جس وزیراعلیٰ نے خان کے کہنے پر ایف آئی آر درج نہ کی وہ اسمبلیاں توڑے گا؟ رانا ثنااللہ کا طنز

آج عمران خان لبرٹی چوک پر پنجاب اور کےپی کے اسمبلیاں توڑنے کی تاریخ تو دیں گے مگر اس کے احکامات کا اختیار پرویز الہی اور محمود خان کے پاس ہے اور یہ دونوں وزیراعلیٰ جب تک اس سمری پر دستخط نہیں کرتے اسمبلیاں تحلیل نہیں ہوسکتیں اسی حوالے سے آج وزرداخلہ نے ایک بار پھر بڑا دعویٰ کردیاان کا کہناتھا کہ عمران خان کے کہنے پر جس نے ایف آئی آر درج نہ کی وہ اسمبلیاں توڑے گا؟ یاد رہے کہ عمران خان پر حملے کے 42 روز تک پنجاب میں تحریک انصاف کی حکومت ہونے کے باوجود ایف ائی درج نہیں ہوسکی تھی پھر عوام کے دباؤ پر سپریم کورٹ نے از خود نووٹس لے کر کپتان پر قاتلانہ حملے کا پرچہ درج کروایا تھا –

 

وفاقی وزیر داخلہ نےایک ٹی انٹرویو میں کہا کہ آج عمران نیازی اور پرویز الٰہی کا مقابلہ آپس میں ہے،دیکھنا ہے یوٹرن کون لیتا ہے اور سمارٹ ٹرن کون؟ان کاکہناتھا کہ اتحادیوں نے ایک دوسرے کی قسمت کا فیصلہ لکھنا ہے ۔

 

رانا ثنا اللہ نے کہاکہ جس وزیراعلی نے عمران خان کے کہنے پر جس نے ایف آئی آر درج نہ کی وہ اسمبلیاں توڑے گا؟ا انھوں نے مزید کہا کہ تحریک انصاف اسمبلیاں توڑیں یا نہ توڑے ، سیاسی نقصان عمران خان کا ہے ،ان کاکہناتھا کہ عمران خان کا ایجنڈا الیکشن نہیں، معیشت کا دھڑن تختہ کرنا ہے ۔ رانا ثنا نے عمران خان کی اس حکمت عملی کو فارن فنڈنگ معاشی تباہی اور سیاسی عدم استحکام اور فسادی سوچ قرار دے دیا –