جب سے اسحاق ڈار پاکستان واپس آئے ہیں عمران خان ان پر کھل کر تنقید کررہے تھے اور ان کو بزدل کبھی منی لانڈرر کبھی بھگوڑا الغرض ہر طرح کے القابات سے اسحاق ڈار کو نوازا جارہا تھا مگر ان کیونکہ وہ وزیر خزانہ بھی ہیں ،سینیٹر بھی ہیں اور سب سے بڑھ کر نواز شریف کے رشتے دار بھی ہیں تو وہ یہ توہین کہاں برداشت کریں گے اسی لیے آج انھوں نے عمران خان کو شٹ اپ کال بھی دے ڈالی اور ان کے پول کھولنے کی دھمکی بھی دے دی –
وفاقی وزیر خزانہ اسحاق ڈار نے پاکستان تحریک انصاف کے چیئرمین عمران خان کو منہ بند رکھنے کی وارننگ دے دی۔ ایک نجی ٹی وی کے مطابق اسحاق ڈار کا کہنا تھاکہ عمران خان اخلاق کے دائرے میں رہیں، میری وارننگ کو سنجیدہ لیں ورنہ میں ان چند لوگوں میں شامل ہوں جسے عمران سے متعلق سب کچھ پتا ہے، عمران خان کے اس الزام پر کہ اسحاق ڈار کے والد کی سائکلوں کی دکان تھی اور یہ خود ویسپا پر پھرا کرتا تھا انھوں نے طنز کرتے ہوئے کہا کہ عمران خان 1993 میں لاہور کی ایم ایم عالم روڈ پر میرے دفتر کے باہر مجھ سے ملنے کیلئے انتظار کیا کرتا تھا۔
ان کا مزید کہنا تھاکہ عمران خان کے خلاف کیلیفورنیا سے برطانیہ تک عدالتی فیصلے ہیں، میرے خلاف جھوٹا کیس تھا، این آر او عمران خان خود مانگتا ہے۔