آبپارہ پولیس کا پاکستان کے معروف صحافی اور یوٹیوبر صابر شاکر کی رہائش گاہ ایف سیون فور میں چھاپہ

اے آر وائی کے ساتھ 17 سال تک وابستہ رہنے والے سینئر صحافی صابر شاکر نون لیگ اور پیپلز پارٹی کے خلاف بات کرنے پر ہمیشہ پی ڈی ایم کی نظروں میں رہے اور جب نون لیگ کو اقتدار ملا تو انھوں نے صابر شاکر کے خلاف گھیرا تنگ کرنا شروع کیا تو وہ ملک سے باہر چلے گئے اور وہاں بیٹھ کر حکومت پر تنقید کا سلسلہ جاری رکھا – جس پر ان کے خلاف حکومت نے دہشت گردی کے مقدمے کا اندراج کردیا – اسی سلسلے میں آج پولیس ان کے گھر پہنچ گئی-

 

 

تفصیلات کے مطابق آبپارہ پولیس نے صابر شاکر کی رہائش گاہ ایف سیون فور میں چھاپہ مارا تو ان کے رہائشی کمرے کی الماری سے کلاشنکوف برآمد ہوئی۔کلاشنکوف لوڈڈ تھی جس سے 10 گولیاں بھی برآمد ہوئیں۔ کوہسار پولیس نے صابر شاکر کیخلاف کلاشنکوف برآمدگی کا مقدمہ بھی درج کرلیا۔آبپارہ پولیس نے کلاشنکوف برآمدگی کوصابرشاکر کیخلاف زیرتفتیش مقدمہ کی تفتیش میں شامل کرلیا۔اب صابر شاکر اس کا جواب اپنے وی لاگ میں دیں گے –